सुनचाँदीको मुल्य घट्यो

दाङ,१० असार ।नेपाली बजारमा बुधबार पनि सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार मंगलबारको तुलनामा बुधबार छापावाल सुनको मूल्य प्रतितोला ३ हजार ६०० रुपैयाँले घटेको हो।
यससँगै बुधबार छापावाल सुनको मूल्य प्रतितोला २ लाख ८३ हजार ५०० रुपैयाँमा झरेको छ।मंगलबार पनि सुनको मूल्य घटेको थियो। मंगलबार प्रतितोला १ हजार ६०० रुपैयाँले घटेर २ लाख ८७ हजार १०० रुपैयाँ कायम भएको थियो।

त्यसैगरी, बुधबार चाँदीको मूल्य पनि घटेको छ। महासंघका अनुसार चाँदी प्रतितोला १०५ रुपैयाँले घटेर ४ हजार ४८५ रुपैयाँमा कारोबार भइरहेको छ। मंगलबार चाँदीको मूल्य पनि प्रतितोला १४० रुपैयाँले घटेर ४ हजार ५९० रुपैयाँमा कारोबार भएको थियो।