दाङ देखि रोल्पा जाँदै गरेको स्कारिपियो दुर्घटना , १ जनाको ज्यान गयो

दाङ। दाङको भालुवाङबाट रोल्पाको सुलिचौर जाँदै गरेको स्कारिपियो प्युठानमा दुर्घटना हुँदा १ जनाको ज्यान गएको छ भने ३ जना घाइते भएका छन् ।

शुक्रबार विहान  रा १ ज ८०९ नम्वरको स्कारपियो प्युठानको सरुमारानी गाउँपालिका वडा नम्बर ६ मोतिपुरमा दुर्घटना भएको प्रहरीले जनाएको छ ।

दुर्घटनामा अर्घाखाँची शीतगंगा नगरपालिका–७ का ४२ वर्षीय टंकबहादुर बुढाको मृत्यु भएको छ। घाइतेमध्ये चालक दशरत विश्वकर्माको अवस्था गम्भीर भएकाले उपचारका लागि बुटवल लगिएको छ । अन्यको भने जिल्ला अस्पताल बिजुवारमा उपचार भइरहेको प्रहरीले जनाएको छ ।

गाडीमा नौ जना यात्रु सवार थिए । गाडीमा चढेका यात्रुलाई उदृत गर्दै प्रहरीले ब्रेक फेल भएर स्कारपियो दुर्घटना भएको जनाएको छ । गाडी सडकबाट ५० मिटर तल खसेको छ ।