काठमाडौ,२८ असार । फिफा विश्वकप २०२६ अन्तर्गत क्वार्टरफाइनलका पछिल्ला खेलमा जित निकाल्दै आर्जेन्टिना र इङ्ल्याण्ड सेमिफाइनलमा प्रवेश गरेका छन्।
साबिक विजेता आर्जेन्टिनाले स्विट्जरल्यान्डलाई ३-१ गोलअन्तरले पराजित गर्दै अन्तिम चारमा स्थान सुरक्षित गर्यो। त्यस्तै सन् १९६६ को विश्वकप विजेता इङ्ल्याण्डले नर्वेलाई २-१ ले हराउँदै सेमिफाइनल यात्रा तय गरेको हो।
अब सेमिफाइनलमा इङ्ल्याण्ड र आर्जेन्टिनाबीच प्रतिस्पर्धा हुनेछ। उक्त खेल जीएमटी समयअनुसार बुधबार अटलान्टा स्टेडियममा हुने तय भएको छ। यसअघि नै स्पेन र फ्रान्स सेमिफाइनलमा पुगिसकेका छन्, जससँगै उपाधि प्रतिस्पर्धा झनै रोचक बनेको छ।
संयुक्त राज्य अमेरिका, मेक्सिको र क्यानडाले संयुक्त रूपमा आयोजना गरिरहेको विश्वकप २०२६ अहिले निर्णायक चरणमा प्रवेश गरेको छ।
प्रतिक्रिया दिनुहोस