दाङमा ट्रकमा मोटरसाइकल ठोक्किदा चालकको ज्यान गयो

दाङ। दाङमा रोकिराखेको ट्रकमा मोटरसाइकल ठोक्किदा मोटरसाइकल चालकको ज्यान गएको छ ।

पूर्व पश्चिम राजमार्ग अन्तर्गत राप्ती गाउँपालिका वडा नं. ८ बिजौरीमा भालुबाङ्गबाट लमही आउँदै गरेको रा३प १३७३ नम्बरको मोटरसाइकल रोकिराखेको लु१ख ७००६ नम्बरको ट्रकको पछाडी सोमबार राती ठोक्किदा राप्ती गाउँपालिका वडा नं. ७ निवासी २७ बर्षिय अनिल चौधरीको ज्यान गएको ईलाका प्रहरी कार्यालय भालुबाङ्गले जनाएको छ ।

स्थानीय मेडिकलमा प्राथमिक उपचार गरी थप उपचारको लागी लमही ल्याउँदै गर्दा चौधरीको बाटोमै मृत्यु भएको प्रहरीले जनाएको छ ।