आशिका तामाङलाई रास्वपाले दियो टिकट

काठमाडौं ,५ माघ । राष्ट्रिय स्वतन्त्र पार्टी (रास्वपा) ले धादिङ प्रतिनिधि सभा क्षेत्र नम्बर–१ मा आशिका तामाङलाई उम्मेदवार बनाएको छ ।

सोमबार रास्वपा पार्टी कार्यालयमा गणेश पराजुलीले तामाङलाई टिकट हस्तान्तरण गरेका हुन् । रास्वपाका केन्द्रीय सदस्य ओजस्वी थापाका अनुसार तामाङ धादिङ–१ बाट प्रतिनिधि सभा निर्वाचनमा प्रतिस्पर्धा गर्नेछिन् ।

यसअघि तामाङले काठमाडौं क्षेत्र नम्बर–९ वा २ बाट स्वतन्त्र उम्मेदवारी दिने बताउँदै आएकी थिइन् । तर पछिल्लो निर्णयअनुसार उनी रास्वपाको आधिकारिक उम्मेदवारका रूपमा धादिङ–१ बाट चुनावी मैदानमा उत्रिने भएकी हुन् ।