सुन तोलामा ३ हजारले घट्यो

काठमाडौं,१ फागुन । सुनको मूल्य शुक्रबार तोलामा ३ हजार रुपैयाँले घटेको छ।

नेपाल सुनचाँदी व्यवसायी महासङ्घका अनुसार बिहीबार १ सय रुपैयाँले मात्रै घटेको सुनको भाउ शुक्रबार भने उल्लेख्य रूपमा घटेर प्रति तोला ३ लाख ३ हजार ५ सय रुपैयाँमा कारोबार भइरहेको छ। बिहीबार सुनको मूल्य तोलाको ३ लाख ६ हजार ५ सय रुपैयाँ रहेको थियो।

यसैगरी चाँदीको मूल्य पनि घटेको छ। चाँदी तोलामा ३ सय ४० रुपैयाँले घटेर ५ हजार रुपैयाँमा कारोबार भइरहेको महासङ्घले जनाएको छ। बिहीबार चाँदीको मूल्य तोलाको ५ हजार ३ सय ४० रुपैयाँ थियो।