जाजरकोटमा ढुङ्गाले लागेर एक जनाको मृत्यु

जाजरकोट,३ फागुन । जाजरकोटमा भिरबाट खसेको ढुङ्गा लागेर एक जनाको मृत्यु भएको छ। चुनिचाँदे गाउँपालिका–१० लमरा निवासी नरबहादुर रोकायको ज्यान गएको हो।

बाख्रा चराउन जङ्गल गएका रोकायको टाउकामा भिरमाथिबाट खसेको ढुङ्गा लागेर गम्भीर घाइते भएका थिए।

उपचारका लागि नेपालगन्ज मेडिकल कलेजमा लगिएकोमा आज उपचारकै क्रममा मृत्यु भएको जिल्ला प्रहरी कार्यालय जाजरकोटका प्रहरी नायब उपरीक्षक वसन्तकुमार शर्माले जानकारी दिए।

स्थानीयवासी बेगवान बस्नेतका अनुसार घाइते रोकायलाई तत्काल अस्पताल पुर्‍याइए पनि ज्यान बचाउन नसकिएको हो। प्रहरीले घटनाबारे आवश्यक अनुसन्धान गरिरहेको जनाएको छ।