खामेनीको मृत्युपछि इरान शोकमा

दाङ, १७ फागुन। इरानका सर्वोच्च नेता अयातोल्लाह अली खामेनीको मृत्यु भएको छ । अमेरिक र इजरायलले गरेको आक्रमणमा मृत्यु भएपछि इरान शोकमा डुबेको हो।

खामेनीको निधनपछि इरान सरकारले ४० दिन राष्ट्रिय शोक र ७ दिन सार्वजनिक बिदा घोषणा गरेको जनाएको छ।

यसैबीच उनको मृत्युपछि राजधानीसहित विभिन्न सहरमा नागरिकहरू सडकमा भेला भएका छन्। सामाजिक सञ्जालमा सार्वजनिक तस्बिरहरूमा नागरिकहरू रोइरहेका र शोक व्यक्त गरिरहेका देखिन्छन्।

प्रदर्शनमा सहभागीहरूले आक्रमणको बदला लिनुपर्ने भन्दै सरकारसमक्ष माग राख्दै नाराबाजी गरिरहेका छन्।