आचारसंहिता उल्लङ्घन गर्ने ८ जनालाई कारबाही

दाङ, १७ फागुन। निर्वाचन आयोगले निर्वाचन आचारसंहिता उल्लङ्घन गरेको आरोपमा ८ जनालाई कारबाही गरेको छ । ९४ जनालाई स्पष्टीकरण सोधेको छ।

आयोगका कानून अधिकृत मोहनराज जोशीका अनुसार राजनीतिक दल तथा उम्मेदवारबाट ५७ वटा स्पष्टीकरणको जवाफ प्राप्त भएको छ भने ६ जनालाई पुनः स्पष्टीकरण सोधिएको छ।

आयोगले निर्वाचन आचारसंहिता उल्लङ्घनको उजुरी परेका राजनीतिक दल, उम्मेदवार, सरकारी र गैरसरकारी संस्था, सञ्चारमाध्यम र पत्रकारलाई समेत स्पष्टीकरण सोधेको छ।

दर्ता भएका सञ्चारमाध्यम र त्यहाँ आबद्ध पत्रकारलाई भने प्रेस काउन्सिल नेपालमार्फत स्पष्टीकरण सोधिएको छ।