बालेन विजयी ,ओली पराजित

काठमाडौं,२३ फागुन । झापा जिल्ला को निर्वाचन क्षेत्र नम्बर ५ बाट राष्ट्रिय स्वतन्त्र पार्टी का वरिष्ठ नेता बालेन शाह प्रतिनिधिसभा सदस्यमा निर्वाचित भएका छन् ।

अन्तिम मतपरिणाम अनुसार शाहले ६८ हजार ३४८ मत प्राप्त गर्दै जीत हासिल गरेका हुन् । उनका प्रतिस्पर्धी नेपाल कम्युनिस्ट पार्टी (एमाले) का अध्यक्ष तथा पूर्वप्रधानमन्त्री केपी शर्मा ओली ले १८ हजार ७२४ मत प्राप्त गरेका छन् ।

यससँगै शाहले ओलीलाई ४९ हजार ६१४ मतान्तरले पराजित गरेका छन् ।

झापा–५ यस वर्षको प्रतिनिधिसभा निर्वाचनमा सबैभन्दा चर्चामा रहेको क्षेत्रमध्ये एक बनेको थियो । काठमाडौं महानगरपालिकाका पूर्वमेयरसमेत रहेका शाहले उम्मेदवारी दिएपछि यहाँ ओलीसँग हुने प्रतिस्पर्धालाई लिएर व्यापक चर्चा भएको थियो ।