सुनचाँदीको मूल्यमा गिरावट

दाङ,९ चैत ।नेपालको बजारमा सोमबार सुन र चाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार छापावाल सुनको मूल्य प्रतितोला ६ हजार ५०० रुपैयाँले घटेको छ।

सोमबारका लागि छापावाल सुनको मूल्य प्रतितोला २ लाख ७५ हजार ५०० रुपैयाँ तोकिएको छ। यसअघि आइतबार सुन प्रतितोला २ लाख ८२ हजार रुपैयाँमा कारोबार भएको थियो।

सुनसंगै चाँदीको मूल्यमा पनि गिरावट आएको छ। आइतबार प्रतितोला ४ हजार ५४० रुपैयाँमा कारोबार भएको चाँदी सोमबार ११५ रुपैयाँले घटेर ४ हजार ४२५ रुपैयाँ कायम भएको छ।