सुनचाँदीको भाउ घट्यो

दाङ,२६ चैत । बिहीबार सुनको मूल्य प्रतितोला ४ हजार ३ सय रुपैयाँले घटेको छ । नेपाल सुनचाँदी व्यवसायी महासंघका अनुसार आज सुनको भाउ प्रतितोला २ लाख ९४ हजार ७ सय रुपैयाँ कायम भएको छ ।

अघिल्लो दिन सुन प्रतितोला २ लाख ९९ हजार रुपैयाँमा कारोबार भएको थियो ।समग्रमा विगत एक सातामा भने सुनको भाउ ७ सय रुपैयाँले मात्रै बढेको देखिएको छ । गत बिहीबार सुन प्रतितोला २ लाख ९४ हजार रुपैयाँमा कारोबार भएको थियो ।

आज चाँदीको मूल्य पनि घटेको छ । चाँदी प्रतितोला १५० रुपैयाँले घटेको हो ।हिजो ५ हजार २५ रुपैयाँमा कारोबार भएको चाँदी आज ४ हजार ८७५ रुपैयाँमा झरेको छ ।गत बिहीबार चाँदी प्रतितोला ४ हजार ७८० रुपैयाँमा कारोबार भएको थियो ।