राष्ट्रपतिद्वारा मधेस प्रदेश प्रमुख पदमुक्त

काठमाडौ,२५ कार्तिक । राष्ट्रपति रामचन्द्र पौडेलले नेपाल सरकार मन्त्रिपरिषद्को सिफारिसमा मधेस प्रदेशकी प्रदेश प्रमुख सुमित्रा सुवेदी भण्डारीलाई पदमुक्त गरेका छन्।

नेपालको संविधानको धारा १६५ को उपधारा (१) को खण्ड (ख) बमोजिम भण्डारीलाई मंगलबारबाट लागु हुने गरी पदमुक्त गरिएको राष्ट्रपतिको सचिवालयले जनाएको छ।

कानुनविपरीत मुख्यमन्त्री नियुक्त गरेको आरोप लागेपछि सरकारले सोमबार भण्डारीलाई पदमुक्त गर्न सिफारिस गरेको थियो।