दाङ क्षेत्र नं ३ मा कमल सुवेदी विजयी

दाङ,२३ फागुन । प्रतिनिधि सभा सदस्य पदका लागि फागुन २१ गते भएको निर्वाचनको दाङ क्षेत्र नम्बर ३ को अन्तिम मत परिणाम सार्वजनिक भएको छ। दाङ जिल्लाको निर्वाचन क्षेत्र नम्बर ३ बाट कमल सुवेदी प्रतिनिधिसभा सदस्यमा निर्वाचित भएका छन् ।

अन्तिम मतपरिणाम अनुसार सुवेदीले ४४ हजार २४८ मत प्राप्त गर्दै जीत हासिल गरेका हुन् । कुल ८८ हजार ६१७ मत गणना हुँदा दीपक गिरी (रुख) ले १६ हजार ४५३ मत प्राप्त गर्दै दोस्रो स्थान हासिल गरेका छन् ।

त्यसैगरी घनश्याम पाण्डे (सूर्य) ले १२ हजार १९५ मत पाएका छन् । यस्तै धनबहादुर मास्के (तारा) ले ९ हजार ३२८ मत प्राप्त गरेका छन् भने दामोदर भण्डारी (हलो) ले १ हजार ५७ मत प्राप्त गरेका छन् । यससँगै दाङ–३ मा सुवेदी फराकिलो मतान्तरसहित विजयी भएका हुन् ।