भेरी नदीमा दुई छोराछोरीसहित महिला बेपत्ता भएको आशंका

दाङ,२ चैत । सुर्खेत स्थित भेरी नदी मा दुई छोराछोरीसहित एक महिला बेपत्ता भएको आशंका गरिएको छ। गुर्भाकोट नगरपालिका–१२ पिप्ले निवासी ३८ वर्षीया माया कठायत, उनकी ११ वर्षीया छोरी आशा कठायत र ५ वर्षीय छोरा दिपक कठायत सम्पर्कविहीन भएको प्रहरीले जनाएको छ।

जिल्ला प्रहरी कार्यालय सुर्खेत का अनुसार तीनै जनाको खोजीका लागि प्रहरी परिचालन गरिएको छ। मायाका श्रीमान भूपेन्द्र कठायत ले घरबाट सम्पर्कविहीन भएको जानकारी सोमबार बिहान प्रहरीलाई दिएका थिए।

प्रहरीका अनुसार सूचना पाएपछि खोजी गर्ने क्रममा घरदेखि करिब ३ किलोमिटर टाढा भेरी नदी किनारमा मायाले प्रयोग गरेको झोला, सल, चप्पल र मोबाइल फेला परेको थियो। हाल भेरी नदी आसपासका क्षेत्रमा प्रहरी टोलीले उनीहरूको खोजी कार्य जारी राखेको जिल्ला प्रहरी कार्यालय सुर्खेतले जनाएको छ।