सुनचाँदीको मूल्यमा गिरावट

दाङ,४ चैत । नेपाली बजारमा बुधबार सुनचाँदीको मूल्य घटेको छ। सुन प्रतितोला २ हजार २०० रुपैयाँ र चाँदी प्रतितोला १८५ रुपैयाँले घटेको हो।

नेपाल सुनचाँदी व्यवसायी महासङ्घका अनुसार बुधबार छापावाल सुनको मूल्य प्रतितोला ३ लाख ७ हजार ७०० रुपैयाँ र चाँदी प्रतितोला ५ हजार १५० रुपैयाँ कायम भएको छ।

मंगलबार सुन प्रतितोला ३ लाख ९ हजार ९०० रुपैयाँ र चाँदी ५ हजार ३३५ रुपैयाँमा कारोबार भएको थियो।

अन्तर्राष्ट्रिय बजारमा भने एक औँस सुन ५ हजार अमेरिकी डलर र चाँदी ८२ अमेरिकी डलरमा कारोबार भइरहेको जनाइएको छ।