हिमाल टोलले अतिक्रमण गरिएका संरचना आफै हटाउने

दाङ,८ जेठ । दाङको तुलसीपुर उपमहानगरपालिका–५ स्थित हिमाल टोल विकास संस्थाले टोलभित्र रहेको इलाका प्रहरी कार्यालयको जग्गामा बनेका संरचनाहरू सम्बन्धित व्यक्तिहरूले आफैं हटाउने निर्णय गरेको छ।

हालै बसेको बैठकबाट उक्त निर्णय गरेको हो। बैठकले प्रहरीको जग्गामा निर्माण गरिएका करिब १५ वटा संरचना सम्बन्धित व्यक्तिहरूले स्वेच्छिक रूपमा भत्काउने निष्कर्ष निकालेको जनाएको छ।

संस्थाका अनुसार सो निर्णयको प्रतिलिपि इलाका प्रहरी कार्यालय तुलसीपुर दाङमा पठाइसकिएको छ। टोलभित्र सार्वजनिक तथा सरकारी जग्गा संरक्षण गर्ने उद्देश्यले यस्तो निर्णय गरिएको बताइएको छ।