रोल्पा,१३ जेठ । सवारी ज्यान मुद्दामा सजाय तोकिएपछि फरार रहेका एक युवक पक्राउ परेका छन्। त्रिवेणी गाउँपालिका–५ सिम्लाका ३२ वर्षीय लालबहादुर केसीलाई प्रहरीले पक्राउ गरेको हो। धादिङ जिल्ला अदालतले २०७७ पुस २८ गते उनलाई १ वर्ष ११ महिना ४ दिन कैद सजाय सुनाएको थियो।
फैसला पछि फरार रहेका केसीलाई काठमाडौंको नयाँ बसपार्क क्षेत्रबाट आइतबार पक्राउ गरिएको प्रहरीले जनाएको छ। गोप्य सूचनाका आधारमा उनलाई नियन्त्रणमा लिइएको हो।
पक्राउपछि केसीलाई रोल्पा ल्याएर तोकिएको सजाय भुक्तानका लागि कारागार चलान गरिएको जिल्ला प्रहरी कार्यालय रोल्पाले जनाएको छ।
प्रतिक्रिया दिनुहोस