यौनिक तथा लैंगिक अल्पसंख्यक समुदायबाट पहिलोपटक दल दर्ताका लागि निवेदन

काठमाडौ,३० कार्तिक । निर्वाचन आयोगमा पहिलोपटक यौनिक तथा लैंगिक अल्पसंख्यक समुदायबाट दल दर्ताको निवेदन परेको छ।

आइतबार नुमा लिम्बूको अध्यक्षतामा गठन गरिएको समावेशी समाजवादी पार्टी ले आयोगमा औपचारिक रूपमा दल दर्ताका लागि निवेदन दिएको हो।

पार्टीले चुनाव चिह्नका रूपमा ध्वजा वा चक्र मध्ये एक प्रस्ताव गरेको जनाएको छ। आवश्यक प्रक्रिया पूरा भएमा आजै दल दर्ताको प्रमाणपत्र प्रदान गर्ने तयारी आयोगले गरेको छ।

आगामी फागुन २१ गते प्रतिनिधिसभा निर्वाचन हुने भएकाले नयाँ दल दर्ताका प्रक्रियाहरू तीव्र रूपमा भइरहेको निर्वाचन आयोगले जनाएको छ।