निर्वाचनका लागि रास्वपाको दल दर्ता

काठमाडौ,१ मंसिर । राष्ट्रिय स्वतन्त्र पार्टी (रास्वपा)ले आगामी फागुन २१ गते हुने प्रतिनिधिसभा निर्वाचनका लागि निर्वाचन आयोगमा दल दर्ता गराएको छ। रास्वपाले सोमबार आयोगको कान्तिपथस्थित कार्यालयमा उपस्थित भएर निर्वाचनका लागि आवश्यक सबै कागजातसहित औपचारिक रूपमा दल दर्ता प्रक्रिया पूरा गरेको हो।

०७९ सालको निर्वाचनअघि मात्र गठन भएको रास्वपा नेपाली राजनीति भित्र तेज गतिमा उदाएको नयाँ शक्तिका रूपमा हेरिएको छ। गठन भएको केही समयमै निर्वाचनमा प्रवेश गरेको रास्वपाले प्रत्यक्ष र समानुपातिक गरी कुल २० सिट जितेर प्रतिनिधिसभामा चौथो ठूलो दलका रूपमा उदाएको थियो।

आगामी निर्वाचनमा पनि रास्वपाले आफूलाई जनताको वैकल्पिक विकल्पको रूपमा स्थापित गर्न व्यापक तयारी गरिरहेको बताएको छ। दल दर्तासँगै रास्वपाको फागुन २१ को निर्वाचन अभियान अब औपचारिक रूपमा सुरू भएको छ।