एमालेको कार्यबाहक अध्यक्षको जिम्मा बादललाई

काठमाडौं,१८ चैत । नेकपा एमालेको कार्यवाहक अध्यक्षको जिम्मेवारी रामबहादुर थापा ‘बादल’लाई दिइएको छ।

च्यासलस्थित केन्द्रीय कार्यालयमा बसेको पदाधिकारीसहित संसदीय दलको संयुक्त बैठकमा अध्यक्ष केपी शर्मा ओलीबाट बादललाई उक्त जिम्मेवारी तोकिएको जानकारी सांसद ऐन महरले दिएका छन्।
उनका अनुसार ओली हिरासतबाट मुक्त नभएसम्मका लागि बादल कार्यवाहक अध्यक्ष रहने छन्।

अध्यक्ष ओलीलाई भदौ २३ गतेको जेन्जी आन्दोलनमा जिम्मेवार ठहर गर्दै गौरीबहादुर कार्की आयोगको प्रतिवेदनका आधारमा ज्यानसम्बन्धी कसुरमा थुनामा राखिएको छ।