यात्रुलाई सास्ती दिने १८ जना पक्राउ

काठमाडौँ,२१ चैत । प्रहरीले यात्रुलाई दुःख र सास्ती दिने १८ जनालाई पक्राउ गरेको छ । शुक्रबार राति त्रिभुवन विमानस्थलमा यात्रुलाई दुःख र हैरानी दिने १८ जनालाई नियन्त्रणमा लिएको हो ।

जिल्ला प्रहरी परिसर काठमाडौँका प्रवक्ता, प्रहरी उपरीक्षक पवन भट्टराईका अनुसार प्रहरीले गए राति त्रिभुवन विमानस्थल क्षेत्रबाट यात्रुलाई दुःख हैरानी दिने, आफूले चिनेको होटलमा लैजाने र यात्रु र होटलबाट कमिसन खाने १८ जनालाई पक्राउ गरिएको हो ।

तीमध्ये १० जना यात्रुहरूसँग कमिसन लिने तथा यात्रुहरूलाई दुर्व्यवहारमा संलग्न रहेको पाइएको प्रवक्ता भट्टराईले बताए।