प्रतिनिधिसभाबाट तीन अध्यादेश स्वीकृत

दाङ,२३ चैत । प्रतिनिधिसभाबाट तीन वटा अध्यादेश सर्वसम्मत रूपमा स्वीकृत भएका छन्।

आज बसेको बैठकले ‘मतदाता नामावली (पहिलो संशोधन) अध्यादेश, २०८२’, ‘प्रतिनिधिसभा सदस्य निर्वाचन (पहिलो संशोधन) अध्यादेश, २०८२’ र ‘नेपाल विशेष सेवा (दोस्रो संशोधन) अध्यादेश, २०८२’ स्वीकृत गरेको हो।

बैठकमा गृहमन्त्री सुधन गुरुङले उक्त अध्यादेशहरू स्वीकृत गरियोस् भनी प्रस्ताव पेस गरेका थिए। त्यसअघि सभामुख डोलप्रसाद अर्यालले ती अध्यादेश अस्वीकार गर्ने कुनै सूचना प्राप्त नभएको जानकारी गराएका थिए।

यसैबीच, बैठकले रामचन्द्र भट्टराईको निधनप्रति शोक प्रस्ताव सर्वसम्मत रूपमा पारित गरेको छ।

प्रतिनिधिसभाको अर्को बैठक चैत २४ गते मंगलबार दिउँसो १ बजे बस्ने तय गरिएको छ।