खनिज उद्योगबाट ८ महिनामा २ अर्ब १४ करोड राजश्व संकलन

काठमाडौ,२८चैत । चालु आर्थिक वर्षको आठ महिनामा खनिजजन्य उद्योगबाट २ अर्ब १४ करोड रुपैयाँ राजश्व संकलन भएको छ।

खानी तथा भूगर्भ विभाग का अनुसार यो राजश्व खनिजजन्य वस्तुको उत्खनन अनुमति तथा अनुमतिपत्र नवीकरणबाट उठेको हो।

विभागले चुनढुङ्गा, रातोमाटो, धातु, पत्थरलगायत खनिज पदार्थको उत्खनन अनुमति र नवीकरणमार्फत उक्त रकम संकलन गरेको जनाएको छ।

गएको आर्थिक वर्षमा विभागले चुनढुङ्गा, टुर्मालिन, टल्क, क्वार्ज, काइनाइट, मार्बल, फलाम, जिङ्क, क्वार्जजाइट, म्याग्नेसाइट, डोलोमाइट र तामाजस्ता खनिजको उत्खनन अनुमति दिएको थियो।