म सबै छानबिनका लागि तयार छु : प्रचण्ड

काठमाडौ,२८ चैत । पुष्पकमल दाहाल ले आफू कुनै पनि प्रकारको छानबिनका लागि तयार रहेको बताएका छन्। शनिबार पेरिसडाँडास्थित नेकपा केन्द्रीय कार्यालयमा सञ्चारकर्मीसँग संक्षिप्त कुराकानी गर्दै उनले विगतमा आफू नेतृत्वमा रहेका बेला भएका निर्णयहरूको जिम्मेवारी लिन तयार रहेको बताए।

“मेरो पालामा भएका निर्णयको जिम्मा म लिन्छु। सबै प्रकारका छानबिनका लागि तयार छु,” उनले भने।
प्रचण्डले आफ्नो कार्यकालमा भएका निर्णयहरू पारदर्शी रहेको दाबी गर्दै त्यसको सामना गर्न आफू नडराउने बताए।

यसैबीच, सञ्चारकर्मीले वर्तमान सरकारको कार्यशैलीबारे सोधेको प्रश्नमा उनले अहिले टिप्पणी गर्ने उपयुक्त समय नभएको प्रतिक्रिया दिएका छन्।