करेन्ट लागेर एक जनाको मृत्यु

कालिकोट,२३ वैशाख। कालिकोटमा करेन्ट लागेर एक जनाको मृत्यु भएको छ। मंगलबार बेलुका बाख्रा चराएर घर फर्कने क्रममा विद्युत् तारबाट करेन्ट लाग्दा ५७ वर्षीय एक पुरुषको ज्यान गएको हो।

जिल्ला प्रहरी कार्यालय कालिकोटका अनुसार मृत्यु हुनेमा सान्नी त्रिवेणी गाउँपालिका–३ का टिकाराम देवकोटा रहेका छन्।

प्रहरीका अनुसार सडक खन्ने क्रममा राष्ट्रिय प्रसारण लाइनको तार चुँडिएर बाटोमा खसेको थियो। सोही तारमा छोएपछि देवकोटालाई करेन्ट लागेको प्रारम्भिक अनुसन्धानबाट खुलेको छ। घटनाबारे थप अनुसन्धान भइरहेको प्रहरीले जनाएको छ।