प्रधानन्यायाधीश सिफारिसविरुद्ध सर्वोच्चमा रिट दायर

काठमाडौ,२५ वैशाख। संवैधानिक परिषद्ले सर्वोच्च अदालतका न्यायाधीश मनोजकुमार शर्मालाई प्रधानन्यायाधीशमा सिफारिस गरेको निर्णयविरुद्ध सर्वोच्च अदालतमा रिट दायर गरिएको छ।

वरिष्ठ अधिवक्ता दिनेश त्रिपाठीले उक्त सिफारिस संविधानविपरीत रहेको दाबी गर्दै शुक्रबार रिट पेश गरेका हुन्। उनले अध्यादेशमार्फत गरिएको व्यवस्थाका आधारमा परिषद्ले गरेको सिफारिस असंवैधानिक भएको जिकिर गरेका छन्।

यसअघि बिहीबार बसेको संवैधानिक परिषद्को बैठकले चौथो वरीयतामा रहेका न्यायाधीश शर्मालाई प्रधानन्यायाधीशका लागि सिफारिस गरेको थियो। मुद्दामाथि सर्वोच्च अदालतले आवश्यक सुनुवाइ प्रक्रिया अघि बढाउनेछ।