इजरायलद्वारा २० प्यालेस्टिनी नागरिक पक्राउ

काठमाडौं,४ फागुन । इजरायली कब्जा बल (IOF) ले सोमबार वेस्ट ब्याङ्क का विभिन्न क्षेत्रबाट दुई महिलासहित २० जना प्यालेस्टिनी नागरिकलाई पक्राउ गरेको छ।

वफा समाचार एजेन्सी का अनुसार तुलकार्म गभर्नरेटबाट आठ जना र अल–खलिल गभर्नरेटबाट सात जना पक्राउ परेका छन्। जेरुसेलमको उत्तरबाट एक युवक, कल्किल्या सहरबाट एक जना र अल–अघवार अल–शामालियाबाट अर्का एक जनालाई पनि नियन्त्रणमा लिइएको जनाइएको छ।

पछिल्लो समय वेस्ट ब्याङ्क र अल–कुद्स क्षेत्रमा इजरायली फौजले नियमित छापा र पक्राउ अभियान सञ्चालन गर्दै आएको छ।