इरानको दाबी : ५० भन्दा बढी ‘अमेरिकी गुप्तचर’ पक्राउ

काठमाडौ,३० चैत। इरानले ५० भन्दा बढी ‘अमेरिकी गुप्तचर’ पक्राउ गरेको दाबी गरेको छ। शान्ति वार्ता असफल भएपछि गरिएको अपरेशनमा ती व्यक्तिहरू पक्राउ परेको इरानी अधिकारीहरूले बताएका छन्।

उनीहरूलाई शत्रु राष्ट्रसँग सहकार्य गरेको र सरकारविरोधी गतिविधिमा संलग्न रहेको आरोप लगाइएको छ।

बिबिसीका अनुसार, पक्राउ परेकाहरूले अमेरिका र इजरायल लाई संवेदनशील सूचना पठाएको आरोप छ।
उनीहरूबाट इलेक्ट्रोनिक उपकरण, हतियार र गोला-बारुद समेत बरामद भएको जनाइएको छ।

यसैबीच, गिलान प्रान्तमा इस्लामिक रिभोलुसनरी गार्ड्स कोर्प्स ले १०२ जनालाई पक्राउ गरेको दाबी गरेको छ। साथै, मोसाद सँग सम्बन्ध रहेको आरोपमा ४ जना पनि पक्राउ परेका छन्।