काठमाडौ,२१ कार्तिक । देशभर १ लाख ३६ हजार ६० जना नयाँ मतदाता मतदाता नामावलीमा दर्ता भएका छन्।
निर्वाचन आयोगले असोज १० गतेदेखि कात्तिक ३० गतेसम्म नयाँ मतदाता दर्ता गर्न सूचना जारी गरेको थियो। आयोगका सहसचिव तथा प्रवक्ता नारायणप्रसाद भट्टराईका अनुसार असोज १० पछि बिहीबार बेलुकासम्म १ लाख ३६ हजार ६० जना नयाँ मतदाता थपिएका हुन्।
केवल बिहीबार मात्रै ११ हजार १ सय ९७ जनाले नाम दर्ता गराएका छन्। तीमध्ये ६ हजार ४६१ पुरुष, ४ हजार ७३४ महिला र २ जनाले ‘अन्य’ श्रेणीमा नाम दर्ता गराएको आयोगले जनाएको छ।
यससँगै नयाँ दर्ता भएका पुरुष मतदाताको संख्या ८१ हजार ८६४ पुगेको छ भने महिला मतदाता ५४ हजार १७८ र ‘अन्य’ १८ जना पुगेका छन्।
प्रतिक्रिया दिनुहोस