सुनको मूल्य तोलामा २ लाख ८२ हजार

दाङ,८ चैत । बजारमा सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आइतबार एकै दिन प्रतितोला १२ हजार ५ सय रुपैयाँ घट्दै सुनको मूल्य २ लाख ८२ हजार रुपैयाँमा कायम भएको छ ।

अघिल्लो कारोबार दिन शुक्रबार सुन प्रतितोला २ लाख ९४ हजार ५ सय रुपैयाँमा किनबेच भएको थियो । एक साताको अवधिमै सुनको भाउ २७ हजार ४ सय रुपैयाँले घटिसकेको छ ।

चाँदीको मूल्य पनि घटेर ४ हजार ५४० रुपैयाँ प्रतितोलामा कारोबार भइरहेको छ । अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन चार हजार ५०० र त्यति नै परिमाणको चाँदी ६८ अमेरिकी डलरमा कारोबार भइरहेको छ ।