काठमाडौ,२ असार । राहदानी विभागका महानिर्देशक तीर्थराज अर्याललाई अख्तियार दुरुपयोग अनुसन्धान आयोगले नियन्त्रणमा लिएको छ।
अख्तियारको टोलीले उनलाई त्रिपुरेश्वरस्थित कार्यालयबाट पक्राउ गरेको हो। विभागको ३०१ नम्बर कोठाबाट उनलाई नियन्त्रणमा लिइएको सुरक्षा स्रोतले जनाएको छ।
राहदानी छपाइसम्बन्धी अनियमितताको अनुसन्धानका लागि उनलाई नियन्त्रणमा लिइएको आयोगका एक उच्च अधिकारीले बताएका छन्। घटनाबारे थप अनुसन्धान जारी रहेको अख्तियारले जनाएको छ।
प्रतिक्रिया दिनुहोस