संसद अधिवेशन सुरु भएकै दिन नीति तथा कार्यक्रम प्रस्तुत गरिने
७ घण्टा अगाडि
काठमाडौ,२७ वैशाख। सरकारले आगामी आर्थिक वर्षको नीति तथा कार्यक्रम संसद अधिवेशन सुरु भएकै दिन प्रस्तुत गर्ने तयारी गरेको छ ।
संघीय संसदको बजेट अधिवेशन २८ वैशाखबाट सुरु हुने तय भएको छ । अधिवेशन आरम्भ भएकै दिन सरकारको नीति तथा कार्यक्रम प्रस्तुत गरिने जनाइएको छ ।
यसअघि २५ वैशाखमा सरकारले संघीय संसदका दुवै सदनको संयुक्त बैठकलाई सम्बोधन गर्न रामचन्द्र पौडेललाई आग्रह गर्ने निर्णय गरेको छ ।
सरकारको आग्रहअनुसार राष्ट्रपति कार्यालयले संयुक्त बैठकलाई सम्बोधनका लागि आवश्यक तयारी भइरहेको जनाएको छ ।
आगामी आर्थिक वर्षको बजेट अघि सरकारको नीति तथा कार्यक्रम प्रस्तुत गर्ने संवैधानिक व्यवस्था अनुसार यो प्रक्रिया अगाडि बढाइएको हो ।
प्रतिक्रिया दिनुहोस