प्रहरीको बर्दीखोली आक्रमण गर्न लगाउने घिसिङ पक्राउ

काठमाडौँ ,२ कार्तिक । जेनजी आन्दोलनका क्रममा प्रहरीमाथि आक्रमण गर्न लगाउने व्यक्तिलाई प्रहरीले पक्राउ गरेको छ। जेन-जी प्रदर्शनका क्रममा तीनकुनेमा प्रहरीमाथि आक्रमण गर्ने र प्रहरीको बर्दी खोल्न लगाउने गौतम घिसिङ नामका व्यक्तिलाई पक्राउ गरिएको छ ।  

जेन-जी आन्दोलनका बेला भएका घटनाको अध्ययन गरिरहेको टोलीले आन्दोलनका क्रममा प्रहरीमाथि आक्रमण गरेको भिडियो फूटेजका आधारमा घिसिङलाई पक्राउ गरेको हो ।  

काठमाडौं प्रहरी परिसरका अनुसार प्रहरी नियन्त्रणमा रहेका घिसिङमाथि अनुसन्धान जारी छ ।