गुल्मी,३० वैशाख ।श्रीमतीको कुटपिट गरी हत्या गरेको आरोपमा श्रीमान् पक्राउ परेका छन् ।गुल्मीको ईस्मा गाउँपालिका–६ साहुघर बस्ने ४५ वर्षीय थमनबहादुर कुमाललाई उनकी ४३ वर्षीया श्रीमती एमी कुमालको हत्या गरेको आरोपमा मंगलबार साँझ पक्राउ गरिएको प्रहरीले जनाएको छ।
प्रहरीका अनुसार थमनले कुटपिट गर्दा एमी गम्भीर घाइते भएको सूचना प्राप्त भएपछि अस्थायी प्रहरी पोस्ट धनार्जेबाट खटिएको टोलीले उनलाई नियन्त्रणमा लिएको हो।
कुटपिटबाट गम्भीर घाइते भएकी एमीलाई जिल्ला अस्पताल तम्घासमा उपचारका लागि लगिएको भए पनि उपचारकै क्रममा उनको मृत्यु भएको प्रहरीले जनाएको छ
प्रतिक्रिया दिनुहोस