च्याउ खोज्न गएका दुई महिलाको बाढीमा परेर मृत्यु

कैलाली,२९ जेठ । कैलालीको गोदावरीमा बाढीमा परी दुई महिलाको मृत्यु भएको छ।

जिल्ला प्रहरी कार्यालयका प्रहरी नायब उपरीक्षक योगेन्द्र तिमिल्सिनाका अनुसार गोदावरी नगरपालिका–४ की ५५ वर्षीया महेश्वरी धमला र ४० वर्षीया कल्पना साउदको ज्यान गएको हो।

शुक्रबार बिहान च्याउ खोज्न जङ्गल गएका उनीहरू नदीमा बगेर बेपत्ता भएका थिए। पछि उनीहरूको शव वनदेवी मन्दिर पछाडि फेला परेको प्रहरीले जनाएको छ।