दाङमा बनभेरीको टोकाइबाट आमा-छोरा घाइते

दाङ,३ फागुन । बनभेरीको टोकाइबाट दाङमा आमा-छोरा घाइते भएका छन् । दाङको तुलसीपुर उपमहानगरपालिका–४ खाद्रेमा आज दिउँसो १ बजे खेतमा पानी सिंचाइ गर्ने क्रममा बनभेरीले टोकेर आमा-छोरा घाइते भएका छन्।

स्थानीय २३ वर्षीया भिमा बुढा र उनका ११ वर्षीय छोरा बिवश बुढालाई बनभेरीले टोकेको हो। घाइते दुबैजनालाई तत्कालै राप्ती प्रादेशिक अस्पताल तुलसीपुरमा लगिएको छ।

उनीहरूको अवस्था मध्यम रहेको अस्पताल स्रोतले जनाएको छ। घटनाको थप विवरण आउन बाँकी छ।