आजदेखि कार्यालय समय घट्यो

काठमाडौ,१६ कार्तिक । आजदेखि कार्यालय समय घटेको छ । सरकारले चालू आर्थिक वर्षका लागि निर्धारण गरेको नयाँ समय तालिका अनुसार आजदेखि कार्यालय समय घटेको हो ।

कात्तिक १६ गतेदेखि माघ १५ गतेसम्म सरकारी कार्यालयहरू बिहान १० बजेदेखि दिउँसो ४ बजेसम्म मात्र खुल्नेछन्। यसअघि कार्यालय समय बेलुकी ५ बजेसम्म रहँदै आएको थियो।

शुक्रबारको दिन भने पुरानै व्यवस्था अनुसार दिउँसो ३ बजेसम्म कार्यालय सञ्चालन हुने सरकारले जनाएको छ।