सात दलको धर्ना र विरोध प्रर्दशन

काठमाडौ,२९ कार्तिक। जनकपुरमा सातदलीय गठबन्धनका दलहरूले आज पनि सरकार गठन प्रक्रिया र सभामुखविरुद्ध सडक प्रदर्शन जारी राखेका छन्। उनीहरूले प्रदेशसभा अगाडिै भेला भई नाराबाजी गर्दै विरोध कार्यक्रम सञ्चालन गरिरहेका छन्।

यसअघि सभामुख रामचन्द्र मण्डलविरुद्धको प्रस्ताव लिएर सांसदहरू सभा भवन पुगेका बेला हातपातसमेत भएको थियो। विवाद चर्किएपछि सभामुख मण्डलले पाँच जना सांसदलाई पदमुक्त गरेका थिए, जसको तीव्र प्रतिरोधमा सातदलीय मोर्चाले प्रदर्शनको घोषणा गरेको थियो।

शनिबार आयोजित प्रदर्शनमा गठबन्धनका कार्यकर्ताहरू उल्लेख्य संख्यामा सहभागी भएका छन्। स्थिति नियन्त्रणमा लिन प्रहरीले पनि बाक्लो सुरक्षा व्यवस्था गरेको छ।