पाल्पामा विद्यार्थी बोकेको बस दुर्घटना:११ जना घाइते

दाङ,५ मंसिर । पाल्पामा विद्यार्थी बोकेको बस शुक्रबार (मंसिर ५) बिहान दुर्घटना हुँदा ११ जना घाइते भएका छन्। दाङबाट शैक्षिक भ्रमणमा गएका विद्यार्थी रानीमहल जाँदै गरेको बस दुर्घटनामा परेको जिल्ला प्रहरी कार्यालय पाल्पाले जनाएको छ।

प्रहरीका डीएसपी होमप्रकाश चौधरीका अनुसार घाइते सबैलाई तानसेनस्थित युनाइटेड मिसन अस्पतालमा उपचारका लागि पुर्‍याइएको छ। उनका अनुसार सबै घाइतेहरूको अवस्था सामान्य रहेको छ।