गगन थापा समूह निर्वाचन आयोगको गेटमै रोकियो

काठमाडौं,२ माघ । नेपाली कांग्रेसका गगन थापा सभापति रहेको समूहलाई शुक्रबार निर्वाचन आयोगको गेटमै रोकिएको छ। उक्त समूह अपराह्न निर्वाचन आयोग पुगे पनि आयोगको गेटमै रोकिएको हो।

थापा समूहकी केन्द्रीय सदस्य प्रतिमा गौतमका अनुसार सो समयमा शेरबहादुर देउवा समूह पहिले नै निर्वाचन आयोगभित्र रहेकाले आफूहरू भित्र प्रवेश नगरेको जानकारी दिइन्।

देउवा समूह विशेष महाधिवेशनको पक्षमा हस्ताक्षर गरेका ८८५ जना महाधिवेशन प्रतिनिधिको हस्ताक्षर फिर्ता गरिएको प्रमाण बुझाउन निर्वाचन आयोग पुगेको थियो।

उता, थापा समूहले महाधिवेशन प्रतिनिधिको हस्ताक्षर फिर्ता गरिएको भन्ने दाबीलाई राजनीतिक प्रोपोगाण्डा मात्र भएको भन्दै निर्वाचन आयोग कार्यालय घेराउ गर्न पुगेको जनाएको छ।