दाङबाट काठमाडौं हिडेको बस चितवनमा दुर्घटना

दाङ,१६ माघ। दाङबाट काठमाडौं जाँदै गरेकाे बस चितवनमा दुर्घटनामा परेको छ । दुर्घटनामा परि ३८ जना घाइते भएका छन् ।बस चितवनको मुग्लिन–नारायणगढ सडकखण्डमा बस पल्टिएर दुर्घटना भएको हो ।
शुक्रवार बिहान करिब ३ बजेर १० मिनेटमा सडकमै पल्टिएको थियो । लुम्बिनी प्रदेश ०२-००१ ख ०४६६० नम्बरको नाइट बस घुमाउने भन्ने स्थानमा पल्टिएको हो ।

प्रहरीले उद्धार गरी घाइतेहरुलाई उपचारका लागि भरतपुर लगायतका विभिन्न अस्पताल पठाएको छ ।

मौलाकालिका अस्पताल भरतपुरमा १५ जना, पुरानो मेडिकल कलेज भरतपुरमा १३ जना, नयाँ मेडिकल कलेज भरतपुरमा ४ जना र जनता केयर अस्पताल मुग्लिङ ६ जना घाइतेहरुको उपचार भइरहेको छ ।