देशका ९६.७ प्रतिशत घरपरिवारमा विद्युत सेवाको पहुँच

काठमाडौँ,२७ माघ । देशभर ९६.७ प्रतिशत घरपरिवारमा विद्युत सेवाको पहुँच पुगेको छ । राष्ट्रिय तथ्यांक कार्यालयले सोमबार सार्वजनिक गरेको चौथो नेपाल बहुसूचक सर्वेक्षण २०८१/८२ अनुसार विद्युत सेवाको पहुँच उल्लेखनीय रूपमा विस्तार भएको देखिएको हो ।

सर्वेक्षणअनुसार अधिकांश घरपरिवार राष्ट्रिय प्रसारण लाइन (ग्रिड) सँग जोडिएका छन् भने केही दुर्गम क्षेत्रका घरपरिवारले लघु जलविद्युत, सोलार लगायतका वैकल्पिक स्रोत प्रयोग गर्दै आएका छन् ।

विद्युतको पहुँच बढे पनि यसको प्रयोग मुख्यतः उज्यालोका लागि सीमित रहेको सर्वेक्षणले देखाएको छ । खाना पकाउने कार्यमा विद्युतको प्रयोग भने अझै न्यून रहेको उल्लेख गरिएको छ ।