चलिरहेको बसबाट खस्दा युवकको मृत्यु

रोल्पा,३ वैशाख । रोल्पामा गुडिरहेको बसबाट खस्दा एक युवकको मृत्यु भएको छ। रुन्टिगढी गाउँपालिका–७ खर्चेमा बुधबार बिहान भएको दुर्घटनामा २२ वर्षीय ओपीलाल घर्तीको मृत्यु भएको हो।

नेपाल प्रहरी का अनुसार बान्द्रेबाट दाङतर्फ जाँदै गरेको बसको ढोकाबाट खसेर उनी गम्भीर घाइते भएका थिए। टाउकोमा गहिरो चोट लागेका घर्तीलाई उपचारका लागि प्राथमिक स्वास्थ्य केन्द्र होलेरी लगिएको थियो। अस्पताल लगे लगत्तै चिकित्सकले मृत घोषणा गरेका हुन्।

उक्त घटनामा २३ वर्षीय नबिन खड्का सामान्य घाइते भएका छन्। उनको उपचारपछि डिस्चार्ज गरिएको छ।