रास्वपाकोे आज देशभर वडा भेला

दाङ,२ जेठ । राष्ट्रिय स्वतन्त्र पार्टी (रास्वपा)ले आज देशभर वडा भेला आयोजना गरेको छ। पार्टीले तदर्थ समिति गठन नभएका वडामा भेला सञ्चालन गरिएको जनाएको छ।

आजको भेलामार्फत ती वडामा तदर्थ समिति गठन गरिने रास्वपाले जानकारी दिएको छ।रास्वपा अहिले पहिलो महाधिवेशनको तयारीमा जुटिरहेको छ। सोही तयारीअन्तर्गत पार्टीले संगठन विस्तार अभियानलाई तीव्र बनाएको हो।

पार्टीको पहिलो महाधिवेशन आगामी असार ७, ८ र ९ गते चितवनमा आयोजना गर्ने निर्णय गरिएको छ।