सुनचाँदीको भाउ घट्यो

दाङ,१४ जेठ । बजारमा आज सुनचाँदीको भाउ घटेको छ। नेपाल सुनचाँदी व्यवसायी महासङ्घका अनुसार आज सुन तोलामा ५ हजार ५०० रुपैयाँले घटेर २ लाख ८५ हजार रुपैयाँमा कारोबार भइरहेको छ। हिजो सुन तोलामा २ लाख ९० हजार ५०० रुपैयाँमा कारोबार भएको थियो।

यस्तै, आज चाँदीको भाउ पनि घटेको छ। चाँदी तोलामा २१५ रुपैयाँले घटेर ४ हजार ८६५ रुपैयाँमा कारोबार भइरहेको महासङ्घले जनाएको छ। हिजो चाँदी तोलाको ५ हजार ८० रुपैयाँमा कारोबार भएको थियो।