सुनको भाउ घट्यो,चाँदी बढ्यो

दाङ,१८ जेठ । नेपाली बजारमा सोमबार सुनको मूल्य सामान्य घटेको छ भने चाँदीको मूल्य बढेको छ। नेपाल सुनचाँदी व्यवसायी महासंघका अनुसार आइतबारको तुलनामा सोमबार सुन प्रतितोला २०० रुपैयाँले घटेर ३ लाख १० हजार ९०० रुपैयाँ पुगेको छ। आइतबार सुनको मूल्य ३ लाख ११ हजार १०० रुपैयाँ थियो।

यस्तै, चाँदीको मूल्य भने बढेको छ। सोमबार चाँदी प्रतितोला १० रुपैयाँले बढेर ५ हजार ३५५ रुपैयाँ पुगेको छ। आइतबार चाँदी ५ हजार ३४५ रुपैयाँमा कारोबार भएको थियो।