सिन्धुली। सिन्धुलीको गोलञ्जोर गाउँपालिकास्थित खुर्कोटमा आज दिउँसो सवारी दुर्घटना हुँदा १० जनाभन्दा बढी यात्रु घाइते भएका छन्।
इलाका प्रहरी कार्यालय खुर्कोट, सिन्धुलीका अनुसार जनकपुरबाट काठमाडौंतर्फ जाँदै गरेको यात्रुवाहक विङ्गर गाडी अनियन्त्रित भई दुर्घटनामा परेको हो।
दुर्घटनाको खबर प्राप्त हुनासाथ स्थानीय बासिन्दा र नेपाल प्रहरीको टोली घटनास्थलमा पुगी उद्धार कार्य जारी राखेको छ। घाइतेहरूको उद्धार गरी स्थानीय अस्पताल तथा स्वास्थ्य संस्थामा पठाइएको प्रहरीले जनाएको छ। दुर्घटनासम्बन्धी थप विवरण आउन बाँकी छ
प्रतिक्रिया दिनुहोस