बाख्रा अनुसन्धान इकाईमा आगलागी,६२ बाख्रा मरे

बाँके, २५ पुस । प्रदेश बाख्रा अनुसन्धान इकाई बाँकेमा आगलागी भएको छ । आगलागी हुंदा ६२ वटा बाख्रा जलेर मरेका छन ।
विद्युत सर्ट भएर बाख्रा अनुसन्धान इकाईमा आगलागी भएको अनुसन्धानमा खुलेको छ ।

बाख्रा अनुसन्धान इकाईको खोर नम्बर १ मा ८३ वटा बाख्रा रहेका मध्ये २८ वटा ठूला र ३४ वटा पाठापाठी मरेको बाँके प्रहरीले जनाएको छ ।

२१ बाख्रालाई उद्धार गरिएको बाँके प्रहरी प्रवक्ता डीएसपी नारायण डाँगीले जानकारी दिए ।