काठमाडौ,२ मंसिर । आगामी मंसिर ७ गते देशव्यापी आन्दोलन गरेर देश ठप्प पार्ने चेतावनी दिइरहेका मेडिकल व्यवसायी दुर्गा प्रसाईंलाई प्रहरीले सोमबार राति उनकै निवासबाट पक्राउ गरेको छ।
जिल्ला प्रहरी परिसर काठमाडौंका प्रवक्ता एसपी पवनकुमार भट्टराईका अनुसार प्रसाईंलाई सार्वजनिक शान्ति सुरक्षामा खलल पुर्याएको आरोपमा पक्राउ गरी परिसरमा ल्याइएको हो।
‘पछिल्लो समय प्रसाईंले सार्वजनिक ठाउँमा शान्ति भंग हुने किसिमका अभिव्यक्ति दिँदै आएका छन्। उनी कहिले के भन्छन् भन्ने स्पष्ट नभएकाले त्यसको अनुसन्धानका लागि पक्राउ गरिएको हो,’ एसपी भट्टराईले बताए।
सोमबार दिउँसो मात्र प्रसाईंले सिंहदरबार र सर्वोच्च अदालतमा लागेको आगलागी, ७५ जनाको मृत्यु, मल्ल होटल अगाडि सवारीसाधनभित्र बसेर भएको भनिएको वार्ता र बानेश्वरको घर छतबाट जेन-जी आन्दोलनको ‘अप्रेशन’ चलेको जस्ता दाबी प्रस्तुत गर्दै एक विशेष भिडियो सार्वजनिक गरेका थिए।
प्रतिक्रिया दिनुहोस